Ang bahad gihimo ni de Leon human gidakop sa IMEG ang usa ka pulis sa Quezon City Police District (QCPD) nga gireklamo sa iyang Misis ug pagpangabit.
Giila ni de Leon ang arestadong pulis nga si Police Master Sergeant John Ledesma Mollenido, 36, nga gisilbihan ug warrant of arrest nga giisyu sa Municipal Trial Court, Fourth Judicial Region, Tanza, Cavite tumgod sa kasong “concubinage”.
Nadakpan si Mollenido sa Airobez Hotel Makati niadtong Sabado (Oktubre 30) human makadawat ug tip ang IMEG labot sa iyang lokasyon gikan sa hotel supervisor.
Ang suspek gidala sa IMEG Custodial Facility sa Camp Crame alang sa dokumentasyon ayha ipresentar sa korte.
Hulagway gikan sa PNP IMEG