Suma pa sa tigpamaba sa Davao City Police Office Captain Hazel Tuazon nga atubangan sa kapulisan sa Buhangin, gitug-an ni Lola Nenita ang iyang pagpatay kang Sheila Lagsaway nga taga Don Marcelino, Davao Occidental.
Sigon sa imbestigasyon, naglalis matod pa ang suspek ug katabang sa wala pa mahitabo ang insidente. Namisbis matod pag bulak ang biktima sa dihang gibunalan kini sa tigulang gamit ang 2X3 nga kahoy. Iyang gitiwasan sa dihang iyang nakita nga buhi pa, nikuha kinig kaang ug dayon busdak sa biktima.
Nasayran nga matag higayon nga mag-away ang duha, mosumbong matod pa ang suspek sa iyang anak nga nurse, ug ginalabanan sa anak ang katabang.
Nag-atubang ug kasong murder si Lola Nenita kinsa anaa sa kustodiya sa Buhangin Police Station.
Niadtong Domingo sa hapon (Hulyo 2), hustisya ang singgit sa pamilya ni Sheila sa kamatayon niini atol sa lubong didto sa Sitio Kibatang, Barangay Dalupan, Don Marcelino, Davao Occidental.
Pinaambit nga hulagway ni Lola Nenita Pagatpatan