Subay sa tahu sa Mati City Information Office, P2,000 matag usa ka ektarya ug P1,000 sa matag tunga sa ektaryang yuta ang misalmot maong programa.
Ang distribusyon sa insentibong nadawat sa mga maglulubi gikan sa PCA, natigayon niadtong Disyembre 1 sa Mati Cultural Center, Brgy. Sainz.
Unod sa mensahe ni Mayor Michelle Rabat nga gibasa sa Technical Assistant niini nga si Allan Andrada, nagpasalamat kini sa tabang nga nadawat sa mga mag-uuma sa lubi kay nahatagan sila ug pagtagad sa PCA.
128 ka mga coconut farmers ang naka dawat sa ilang mga tseke diin 30 niini ang nakadawat ug tig dos mil pesos isip insentibo sa pag-apil sa ilang usa ka ektaryang luna nga gitamnan og saging o monggo.
Samtang 98 usab ang nakadawat ug tig usa ka libo nga adunay tunga sa ektaryang luna nga gigahin sa maong programa.
Usa sa mga benipisyaryo sa programa, Ruben Salac Sr., nagpadayag sa iyang dakong pagpasalamat sa nadawat nga dos mil pesos gikan sa PCA tungod dako kining tabang nga mas mapalambo pa niini ang ilang mga pananum diha sa ilang umahan.
Gawas sa insentibo nga cash, mihatag usab ang PCA og libreng seedlings ug fertilizers sa mga mag-uuma.
Kantidad sa P842,000 ang gigahing pondo sa PCA alang sa maong programa.
Hulagway: Mati City Information Office