Kini ang tubag ni Azurin sa alegasyon ni Senator Ronald Bato Delarosa, nga kuwang sa aslom ang PNP” busa nakabaton ug kaisog ang mga kriminal.
Giklaro sa opisyal nga taas ang iyang respeto sa mga niaging hepe sa PNP, kalakip na si Delarosa nga nahimong PNP chief sa panahon ni Pangulong Duterte.
Apan nagtuo si Azurin nga di kinahanglang hadluko ang mga kriminal sanglit iyang gihatagag importansya ang “preservation of life”.
Tataw kuno ang kamanduan ni Pangulong Ferdinand Marcos Jr. nga buhatong luwas ang nasod sa tanang katawhan.
Gipamugos sa PNP Chief, himoon sa PNP nga sakto ang ilang trabaho aron madakpan, mahukman, ug mapriso ang tanang kriminal.
Dugang sa opisyal, mas maayo matod pa nga makulong ang mga kriminal kaysa mamatay sanglit mas taas kuno ang panahon nga ilang hinulsulan ang ilang kasaypanan ug duna pa kini higayon nga magbag-o.