Tungod niini, mahimong boluntaryo na lamang ang pagsuot ug face masks ilanina kung anaa sa outdoor settings.
Gihatagan usab ug kagawasan ni Rama ang mga tag-iya ug mga business establishments nga magdesisyon labot sa paggamit ug face masks.
Samtang required pa gihapon ang face mask sulod sa mga ospital, clinic, ug mga diagnostic centers.
Apan kadtong dunay mga sakit o kaha dunay flu-like symptoms, gikinahanglan gihapon nga magsuot kini ug face masks gawas apan gimanduan nga magpuyo sa balay kung mahimo.
Sumala pa kang Rama, gitun-an pag-ayo sa lokal nga gobyerno ang nahisgutang lakang isip kabahin sa pag-aginod sa syudad gikan sa pandemya.
Padayong gidasig sa alkalde ang publiko nga mahimong responsable ilabina nga balik-normal na ang sitwasyon gikan sa epekto sa pandemya.