Atol sa gipahigayong launching sa Department of Transportation-Land Transportation Franchising and Regulatory Board (DOTr-LTFRB) Fuel Subsidy Program niadtong Miyerkoles, gibutyag sa Land Bank of the Philippines, nabalhin na sa PPP ATM cards sa mga operators ang pondo nga muabot sa P7,200.
Mukabat sa P1 billion ang gigahin sa gobyerno sa maong subsidy program alang 136,000 PUJ operators sa tibuok nasod nga kwalipikadong benepisyaryo sa programa.
Ang “one-time" fuel subsidy, usa ka paagi sa gobyerno aron makatabang sa mga PUJ drivers ug operators nga labihang naapektuhan sa pandemya ug pagsaka sa presyo sa lana.
Dinhi sa Davao Region, kapin 4,000 PUJ operators ang makadawat sa maong fuel subsidy nga P7,200 gikan sa LTFRB.
Samtang gipasabot i LTFRB-National Capital Region (NCR) Director Lawyer Zona Tamayo nga duna pay 3,300 PUJ drivers sa rehiyon ang gibana-banaang mag-enroll sa maong programa.