Atol sa AFP-PNP Press Corps briefing,Miyerkules (Agosto 10) sa The Royal Mandaya Hotel, gibutyag ni Major Ma. Teresita Gaspan, tigpamaba sa Davao City Police Office (DCPO) ilang buhusan ug linibong security personnel ang mga lugar kung hain himoon ang maong mga aktibidad.
Matod pa ni Gaspan, mukabat sa singko mil ka mga security forces ang magbantay sa mismong activity areas masiguro lamang ang kahusay ug kalinaw sa aktibidad.
“Aduna kitay kapulisan, Task Force Davao ug other security forces. Naa pod tay mga force multipliers, atong auxiliary ug other law enforcement nga mutabang sa atua. Meron din tayong augmentation from Police Regional Office 11 nga mo-provide pod ug security,” ingon ni Gaspan.
Dugang ni Gaspan nga sama sa naandan nga dunay mga dagkong kalihukan sa syudad, ipatuman gihapon sa DCPO ang multi-layered nga security blanket nga himoon gikan sa land, air, ug sea.
“Inner layer, kadto gyud mismo anaa sa sulod sa mga activity area,” sumala pa ni Gaspan.
Hangyo sa DCPO sa mga musaksi sa pasundayag sa pag-obserba sa tanang health protocols ilabina ang nagpabiling mandatory nga pagsuot ug face masks.
Gisubli ni Gaspan nga gidili gihapon ang pagdala ug backpacks, jackets sa sulod sa activity areas. Bawal usab ang paggamit ug drones nga walay pagtugot gikan sa Public Safety and Security Command Center (PSSCC).
Gawas niini, gidili ang pagbitbit ug baril ug mga hait nga butang.