Nadakpan sa Task Force Davao ug Kapulisan sa Lasang Huwebes sa buntag (Hulyo 14) si Bonifer Pastrana, 35-anyos, ulitawo, ug residente sa Purok 4 Nalum, Bago Gallera, Davao City nga dunay bitbit nga shabu sa pagsakay niini sa pa pasaherong bus.
Nakuha gikan kaniya ang gibana-banaang 2.30 gramos nga shabu nga dunay street value nga mukantidad sa P36,800.
Sikop usab sa Sirawan, Toril checkpoint ang giingong smuggler ug sigarilyo nga nailang si Mark Anthony Depra, 24-anyos, residente sa Maitum, Saranggani Province.
Nakuha sa possession sa dinakpan ang 25 reams nga smuggled astro ug fort cigarettes nga gibana-banaang mubalor sa P12,500.
Gipasalamatan ni Task Force Davao Commander Colonel Darren E. Comia ang iyang tropa sa pagtamod sa mandato niini nga paniguruhong luwas ang syudad sa Davao dili lamang sa hulga apan lakip na sa ilegal nga butang nga makasulod sa dakbayan.
Padayong gipahinumdum ni Comia sa mga taga-Davao nga magpadayon sa paghatag kooperasyon sa mga otoridad pinaagi sa culture of security (Report, Remind, Participate, Volunteer) aron mapatunhay ang kalinaw sa syudad.
Hulagway gikan sa TF Davao