Sa ambush interview sa alkalde kagahapon, Nobyembre 23 sulod sa kampo sa mga sundalo sa 1003rd Infantry Brigade, gibutyag niini nga kung unsa man ang mamahimong lakang ug desisyon sa Commission on Elections ug sa kongreso labot sa drug test sa mga kandidato, iya matod pa kini nga suportahan.
“Yes whatever it is nga ma-desisyunan sa COMELEC and sa atuang Congress with regard to drug test for candidates, we will support that,” matod sa alkalde.
Nauna ng gibutyag sa Philippine National Police (PNP) nga wala pay direktiba nga naabot kanila gikan sa COMELEC labot sa pagpahigayon sa mandatory drug tests sa tanang mga kandidato.
Sumala pa ni PNP chief Dionardo Carlos, magikan matod pa sa COMELEC ang procedural guidelines labot sa drug test.
“We will be ready to facilitate, and we can use our PNP Forensic Group, but let us cross the bridge when we get there,” asoy ni Carlos.