Kinugos ni Mayor Sara ang anak ni Marikit nga si Amir Vlad Paglaum Ramos atol sa dedication niini, adlawng Martes sa Headquarters sa 1003rd Infantry Brigade, Barangay Mahayag, Bunawan District.
Mismong si Mayor Sara pa ang naghatag ug pangalan nga Paglaum sa baby ni Marikit.
Matod pa sa alkalde, “Paglaum, nga sa binisaya means hope and every child is a blessing and hope for a greater future para sa atong nasod. Nalipay ko kay gidawat ni Arian ang suggestion nako nga paglaum ang isa sa mga pangalan sa Baby.”
Gawas kang Duterte, nibarug usab nga Ninong ug Ninang sila 10th ID commander Major General Ernesto Torres, 1003rd Infantry Brigade Commander Colonel Consolito Yecla, Irene Santiago , ug Attorney Elisa Lapiña.
Gipakatawo ni Marikit si Paglaum niadtong Nobyembre 7.
Lima ka bulan nga buntis si Marikit sa dihang mitahan sa gobyerno niini lamang tuiga.