Giila ni AKG Director Brigadier General Rudolph B Dimas ang mga suspek nga sila HUANG JUN, 26; ug LU ZHILLIN, 22; pulos Chinese nationals nga nagpuyo sa Clark Majestic World, Mabalacat, Pampanga.
Gidagit matod pa sa mga suspetsado ang Vietnamese national nga si Vo Nguyen Huyen Chau niadtong Mayo 11 sa PBCom Building sa Makati, nga narekober sa AKG niadto b Mayo 13, human gibuhian sa mga kidnappers.
Gisaysay sa biktima nga gidala kini sa mga kidnappers sa Clark Majestic World, Pampanga, busa nagdispatsa ang AKG ug mga operatiba sa lugar.
Dinhi nila nadakpan ang duha ka suspek nga dunay kaubang usa ka Chinese nga naka-posas nga migawas sa bag-ong kidnap victim nga giilang si LI JIN LE.
Kasamtangang anaa sa kustodiya sa AKG ang mga suspek nga mag-atubang ug kasong kidnapping and serious illegal detention.
Hulagway gikan sa PNP-AKG