Subay sa tahu sa Police Regional Office (PRO) 11, giila ang mga biktima nga sila CHITO M. CASAKIT ug asawa niini nga si RONALYN ERAZO CASAKIT, 30 anyos.
Anaa usab sa kritikal nga kahimtang ang ilang anak nga usa ka tuig ug lima ka bulan.
Nigawas sa imbestigasyon, nabanggaan ang motorsiklo nga gisakyan sa mga biktima sa usa ka Ford Ranger nga dunay plaka numero LAC 8294, gidrayban ni Anthony Saturos Fuerzas, 31-anyos ug residente sa R. Castillo, Agdao ning syudad sa Davao.
Nasayran nga gilikayan sa Ford Ranger ang dakong bangag sa kalsada apan naigo niini ang motorsiklo nga iyang kasugat.
Kasamtangang gibalhog ang suspek nga driver sa Panabo Police Station samtang gihikay ang kasong atubangon.
Hulagway: PRO 11