Giila sa Toril Police ang mga dinakpan nga sila alyas "JONG-JONG", 43 anyos, walay trabaho, ug alyas "REMEDIOS" 34 anyos,overseas recruitment agent, nga puros taga Purok 1-A, Trading Boulevard.
Atol sa buy bust operation, napalitan sa mga pulis ang mga suspek ug usa ka pakete sa shabu nga dunay timbang na 4.82 gramos.
Nakuha sab sa ilang posesyon ang lain pang upat ka pakete sa shabu nga gibanabanaang mutimbang sa 64.21 gramos nga mukantidad sa P1.28 million
Si JONG-JONG gikonsiderang Top 4 samtang REMEDIOS top 9 Regional Level High Value Target sa kapulisan.
Tingkagol ang duha ka dinakpan sa Toril Police Station nga nag-atubang ug kasong paglapas sa Republic Act 9165 o ang Comprehensive Dangerous Drug Act of 2002.
Hulagway: Toril PNP