Giila sa PDEA ang punterya sa operasyon nga si Gerald Gudmalin, 28-anyos nga residente sa gikaasoyng barangay kinsa nakuhaan ug ilegal nga droga nga muabot sa usa ka gramo nga nikantidad sa P8,000.
Atol sa operasyon, dakpan usab ang giingong trabahante sa drug den nga si Shirley Gudmalin ug ang bisita sa drug den nga si Tammy Panganduyon Jr.
Nakuha gikan sa drug den ang dose gramos nga shabu nga mubalor sa P180,000, assorted drug paraphernalia, buy-bust ug boodle money.
Nakuha usab gikan sa mga suspek ang usa ka punto 45 kalibre sa armas ug bala.
Gibutyag sa direktor sa PDEA 11 Aileen Lovitos nga padayong gipakusgan sa ahensya ang anti-drug campaign niini.
Nagpasalamat usab kini sa komunidad nga naghatag giya kanila aron madakpan ang mga suspetsado.
Gawas sa kasong pagsupak sa Republic Act (RA) 9165 o ang The Comprehensive Dangerous Drugs Act of 2002, mag-atubang usab ang mga dinakpan ug paglapas sa RA 10591 o Comprehensive Firearms and Ammunition Regulation Act of 2013.
Hulagway: PDEA 11