Kini ang gitakda sa Commission on Elections (COMELEC) isip opisyal sugdan ang “election period”.
Sumala pa sa hepe sa Philippine National Police (PNP) General Dionardo Carlos, nahipatik kini sa COMELEC Resolution Number 10728 nga nagdili sa panahon sa election period ang pagbitbit ug armas sa gawas sa balay ug sa tanang pampublikong lugar si kinsa man nga walay pagtuogot sa COMELEC Committee on the Ban on Firearms and Security Concerns (CBFSC).
Subay sa maong resolusyon, bugtong mga sakop lang sa PNP, Armed Forces of the Philippines (AFP) ug Philippine Coast Guard (PCG), ug uban pang Law Enforcement Agencies nga naka-uniporme ug naghimo sa ilang opisyal nga trabaho ang gitugutan nga magdala ug armas sa panahon sa election period.
Nahipatik usab sa COMELEC Resolution nga dili pwede ang mga kandidato nga mugamit ug bodyguard.
Apan sumala ni Carlos, ilang hatagan ug escort ang mga kandidato kung duna kini pagtugot sa election body kung mapamatud-an nga dunay hulga sa ilang kinabuhi.
Hulagway: 4th ID