Giila sa Task Force Davao ang dinakpan nga si Hidorick M. Aguilon, residente sa Phase 1 sa SIR New Matina, Davao City.
Subay sa report sa Task Force Davao, sakay ang suspetsado sa usa ka public utility van pasulod sa syudad sa dihang pagsuta sa mga otoridad nakuha gikan kaniya ang duha ka dagko nga pakete sa gituhuang shabu nga gibana-banaang mutimbang sa 50 gramos.
Gawas sa droga, nakuha usab gikan kaniya ang cash kantidad sa P31,680.
Kini matod pa ang pinakadakong kantidad sa shabu nga nasakmit sa AFP-PNP checkpoint karong tuiga.
Gidayeg ni Colonel Darren Comia, kumander sa TF Davao ang security forces sa pagkasikop sa suspek.
“Indeed, the catch is a manifestation of the alertness and vigilance of our troops,” matod pa ni Comia.
Daan ng nagbahad si Comia nga di gayud makasulod ang mga kontrabando ug illegal items sa syudad.
“Stay away from illegal activities or else end up in jail,” dugang sa opisyal.
Kasamtangang tingkagol sa prisuhan sa Toril Police Station si Aguilon.
Hulagway: Task Force Davao