Sa matag lunes nga live program sa Facebook account sa mayor, gibutyag niini nga anaa na sa preparation stage ang Roxas Night Market team partikular na sa himoong raffle sa slots sa mga vendors nga mamahimong maka-negosyo.
Gawas niini, duna na usay mga orientation ug markings nga ginahimo ang team agig pagpangandam sa subling pagbukas sa Night Market.
“We have targeted March 24 kay preparations ni to be made raffling sa slots and then orientation and markings pa and magset-up ang Roxas Night market team, mura tag nagsugod ani sa uno because it’s been two years . We’ve already set the date nga March 24,” matod pa sa alkalde.
Giklaro hinoon sa mayor nga bakunado man o dili pwede gihapon makasulod sa Roxas Night Market sanglit taas na ang vaccination rate sa syudad.
“Walay restrictions with regard sa pagbakuna nila because taas ang atong vaccination rate and gamay na man lang na sila nga wala pa nabakunahan and open space pod siya,” dugang pasabot sa mayora.
Apan subling nagpahinumdum si Mayor Sara sa mga Dabawenyo nga kanunay pagsuot sa face masks kung dili mukaon ug muinom.
“Mag-remind lang ko sa tanan natong mga kaigsoonang Dabawenyo na the only thing that you need to remember is you wear your masks if you are not eating or drinking, kana lang gyud . Kung wala sila gakaon, wala sila gainom isuot ang masks, matod pa sa opisyal.
Subli usab gihatagan ug gibug-aton sa mayor ang kamahinungdanon sa pagpabakuna batok COVID-19.