Kini taliwala sa halapad nga operasyon nga gilusad karon sa kasundaluhan batok sa Daulah Islamiyah Maute Group sa Maguing, Lanao del Sur.
Sumala pa sa opisyal, ilang gigukod sa pagkakaron ang mga nabiling miyembro ng mga teroristang miukopa sa Marawi niadtong 2017.
Ang kapin kon kulang sa 40 ka mga terorista, gipamunuan sa top leader sa Daulah Ismiyah nga si Faharudin Hadji Satar alyas Abu Zacariah.
Dugang ni Brawner, ang gilusad nga airstrike sa militar batok sa mga terorista nagtumong nga mahinluan ang mga dalan gikan sa mga gitanom nga mga improvised explosive device (IED) sa palibot sa ilang gikutahan ug malikayan ang casualties sa bahin sa gobyerno.
Sa ulahing report, tulo ka terorista ug isa ka sundalo ang namatay sa operasyon, samtang tulo sab ang samdan sa bahin sa kasundaluhan.
Hulagway: Philippine Army