Sumala pa ni Duterte,walay kamatuoran usab ang gipakalat sa pipila ka grupo nga nanghatag ug P5,000 nga grant ang kampo presidential bet Bongbong Marcos.
Dili sab tinuod nga nanghatag ug tag-P5,000 kada botante si Marcos sa pagbisita niini sa Mindanao.
Gipamugos sa mayor, buot lamang dauton sa ubang grupo ang UniTeam nga nangunguna karon sa mga surveys.
Gihangyo niini ang publiko nga kung dunay impormasyon labot sa maong scam, gilayong ireport sa mga otoridad.
“We call on the public not to believe these claims of certain groups about an ID that is worth 20 pesos and there will be grant of P5,000 pesos from the presidential candidate of the UniTeam, Bongbong Marcos. These are not true, this is a scam,” matod pa ni Mayor Sara.
Kahinumduman, Pebrero 27, duha ka indibidwal ang gidakop sa kapulisan human aktong nang-recruit ug mga miyembro alang kuno sa UniTeam sa Sto. Niño, Matina ning syudad sa Davao.
Giila ang duha nga sila Virginia Almoroto Calape ug Nanette Denopo.
Suma pa sa mga na-recruit nga miyembro, nibayad matod pa sila ug P25 kang Calape ug Denopo isip bayad sa UniTeam ID card lamination ug membership processing.
Na-recover sa kapulisan ang salapi nga mubalor sa P4,895 gikan sa mga suspek lakip na ang filled-up forms; blangkong ID cards; certificate of appointment nga sumala pa permado sa kanhi kalihim Jesus Dureza isip lead convenor, Saida Wong ug Edilberto Loquente isip mga convenors.
Gilayong nakig-alayon ang kapulisan sa Legal team sa UniTeam sa Davao Region sa pagpangulo ni Atty. Joahna Paula Domingo kinsa nanghimakak nga ang partido dunay gitugutan nga mugamit sa UniTeam ug mga pangalan sa mga kandidato niini Bongbong Marcos Jr. ug vice presidential bet Sara Duterte sa unsa mang aktibidad sa pag-solicit ug pagkolekta ug salapi gikan sa mga indibidwal alang sa ID cards ug membership.
Kahinumduman nga sa milabayng mga semana, usa ka Rogelio Suarez, 52 anyos ug residente sa Barangay Marapangi, Toril ang gidakop usab sa kapulisan sa susamang aktibidad.