Alas kuwatro karong hapon, personal nga giduso ni Librado ang iyang certificate of withdrawal sa Comelec human matod pa kini mitambong sa usa ka event sa mga kababainhan.
“Today, after careful thought and deliberation, I decided to officially withdraw my candidacy as councilor of Davao City’s First District. My withdrawal paves the way for more opportunities to serve my fellow Dabawenyos through other platforms. Along with many people and groups who work for genuine and lasting social change, my family and I will continue to serve the public outside the City Council,” pahayag ni Librado nga gipadala sa News Fort.
Nagpasalamat kini sa mga Dabawenyos sa gihatag nga pagsalig sa ‘brand of politics’ nga dekada ng gipakigbisugan sa ilang pamilya.
“We thank the Dabawenyos for the trust and confidence in the brand of politics that the Librado family has espoused for decades -- the kind of politics which has found its mark in the pro-people legislations that we have championed. Daghang salamat sa pagsalig ug sa suporta,” dugang ni Librado.
Kahinumduman nga niadtong Nobyembre 16, 2021, gibawi sa Hugpong sa Tawong Lungsod (HTL) ang iyang nominasyon isip opisyal nga miyembro sa maong partido sa walay igong rason.
Sa bahin ni Konsehal Librado, giingon niini nga posibleng ang pagkatangtang niya sa HTL kay tungod sa iyang kalambigitan kuno sa CPP-NDF-NPA, nunot sa mga mensahe sa assessment nga giandam daw sa NTF-ELCAC nga ako usa ka "GABRIELA personality".
Dugang pagtuo ni Librado nga misalmot kini sa eleksyon aron suportahan kuno ang pagtukod sa mga migrant desk sa unang distrito sa siyudad nga gigamit kuno isip mga front organization.
Giingon sa magbabalaod nga unfair alang kaniya ang kalit nga pagtaktak kaniya sa partido sanglit wala man lang kini niagi sa saktong proseso aron unta mapaminawan ang iyang bahin.
“Makasubo nga kini nga konklusyon naabot unilaterally, nga walay pagkonsulta kanako, ug wala sad ko gihatagan og higayon nga depensahan ang akong kaugalingon batok sa mga malisyoso ug walay basehanan nga akusasyon. Alang sa kasayuran sa tanan, ang akong pamilya kanunay nga mobarug alang sa mga kabus ug gidaugdaug nga mga sektor sa katilingban taliwala sa mga kalisdanan,” matod pa sa opisyal nga pahayag ni Librado human sa pagtanggal kaniya sa HTL niadtong Nobyembre 16.
Bisan pa man, nanawagan kini sa publiko nga magtinabangay alang sa malinawon ug matinud-anong eleksyon sa Mayo.
Hulagway: FG Del Rosario