Subay sa impormasyon gikan sa Davao City Police Office, namatay sulod sa Southern Philippines Medical Center tambalanan ang biktimang si Alias Danny, 51 anyos human gibunalan dayon giputlan ug kinatawo sa suspetsado.
Sa pasiunang imbestigasyon sa kapulisan, sumala pa miabot ang biktima sa panimalay sa suspek kuyog ang asawa sa suspek gikan namalengke sa dihang kalit na lamang gibunalan niini gamit ang bricks ang ulo sa biktima.
Pagkatumba ni Alias Danny, gitalian pa sa suspek ang mga kamot niini dayon gibira ang pantalon paubos ug giputol ang kinatawo sa biktima.
Gisapupo pa sa tambalanan ang biktima apan namatay kini adlaw nga martes.
Gilayong nadakpan sa mga awtoridad ang suspek nga karon tingkagol sa mabugnawng selda sa Tugbok Police Station.
Hulagway:Davao City Police Office