3 katao nga nangita'g bulawan, patay sa landslide sa Malalag, Davao del Sur
Patay ang tulo ka indibidwal nga giingong naghimo ug treasure hunting activity sa Purok 3, Barangay Ibo, Malalag, Davao del Sur, alas 3 Lunes sa hapon, November 10, 2025.
Subay sa report sa Malalag Police Station, ang pagkabkab matod pa sa tulo ka trabahante ug mga kaubanan niini sa yuta niresulta sa landslide nga nakaingon sa ilang kamatayon.
Ang mga biktima nailhang sila Glenn Eral Sasuman, residente Lapu-Lapu Extension, Digos City; Nario Gesola Otida, resident sa Ruparan, Digos City; ug Simaco Sabac Quisaot, 63 years old, married, nagpuyo sa Purok 1, Upper Limonzo, Maria Mendez, Padada, Davao del Sur.
Dugang sa report, banda alas 8 sa buntag nagsugod ang mga biktima ug mga kaubanan sa pagkalot uban sa giya sa kontraktor nga si alyas Jerson ug ang landowner nga si alyas John sa dihang nag-collapse ang yuta resulta nga natabunan kini.
Giimbestigahan na sa kapulisan ang kontraktor lakip tag-iya sa luna diin gihimo ang treasure hunting.
📹Malalag Municipal Police Station